Dua Lipa, këngëtarja e njohur për hitet e saj të shumta dhe zërin e saj të fuqishëm, u përball me një injorim të papritur nga Gramys këtë vit, duke mos arritur asnjë nominim, pavarësisht lansimit të albumit të saj ‘Radical Optimism’. Ky album, i cili ka marrë një vlerësim të lartë nga kritikët dhe u rendit i dyti në Billboard 200 në SHBA dhe i pari në tabelën e albumeve në Mbretërinë e Bashkuar, u prit me entuziazëm nga fansat dhe ekspertët e muzikës.
Kënga ‘Training Season’ gjithashtu shënoi një sukses të dukshëm, duke u renditur lart në tabelat e U.S. Hot Dance/Electric Songs dhe Billboard Hot 100. Së bashku me të, këngët si ‘Houdini’ dhe ‘Illusion’ gjithashtu e mbështetën pozicionin e fortë të albumit në tregun global, duke kontribuar në suksesin e përgjithshëm të projektit.
Përveç Dua Lipës, një numër artistësh të njohur si Cher, Hozier, Nicki Minaj, Lisa (BlackPink) dhe Megan Thee Stallion gjithashtu u injoruan nga Gramys këtë vit.
Nominimi dhe fitimi i çmimeve të rëndësishme si Gramys shpesh ndihmon në rritjen e profilit të artistëve dhe fuqine e tyre. Por, pavarësisht kësaj, Dua Lipa ka dëshmuar se është një artiste me sukses të jashtëzakonshme dhe një bazë të fortë fansash.
Grammy Aëards janë çmimet më prestigjioze në industrinë e muzikës, të cilat njihen si standardi më i lartë i njohjes për arritjet artistike. Të organizuara nga Akademia e Arteve dhe Shkencave të Regjistrimeve (The Recording Academy) në Shtetet e Bashkuara, Grammy-t filluan në vitin 1959 si një mënyrë për t’u njohur artistët dhe profesionistët e muzikës për kontributet e tyre në muzikë.
Ceremonia e parë e Grammy-t u mbajt më 4 maj 1959, dhe kjo ngjarje ka evoluar me kalimin e viteve për të përfshirë një gamë të gjerë kategorish, nga popi dhe rock-u deri te jazz-i dhe klasikja. /NO FILT
