Përgatiti: Arian Hajdaraj
Pas një muaji e gjysmë arrest shtëpiak, Kushtrim Hoxha u paraqit në gjykatë, në mëngjesin e së martës.
Pas shqyrtimit të kërkesës për pranimin e fajësisë, i akuzuari për moslajmërim të grupit terrorist, u dënua me 1 vit e 6 muaj burgim. Ky ishte minimumi i dënimit që e kërkoi prokurori.
Dënimin nuk e kundërshtoi i akuzuari, i cili ishte dorëzuar në fillim të shtatorit.
Paraprakisht, avokati mbrojtës e kishte kërkuar minimumin e dënimit, për disa arsye.
Kushtrim Hoxha akuzohet për moslajmërimin e grupit terrorist i cili në bashkëpunim me ISIS-in, kishte planifikuar sulm ndaj kombëtares së futbollit të Izraelit në vitin 2016 në Shkodër.
