Zelanda e Re goditet nga një tërmet i fuqishëm, autoritetet paralajmërojnë për cunami

Një tërmet me magnitudë 6.3 goditi pranë qytetit Te Anau në Ishullin Jugor të Zelandës së Re, duke bërë që autoritetet të lëshonin një paralajmërim për cunami.

Sipas Agjencisë Kombëtare të Menaxhimit të Emergjencave të Zelandës së Re, epiqendra e tërmetit ishte rreth 40 km (24,85 milje) në veri të Te Anau-t, i cili shërben si portë hyrëse për zonën turistike të njohur të Fiordland-it, shkruan Reuters.

Si Shërbimi Gjeologjik i Shteteve të Bashkuara (USGS), ashtu edhe Qendra Gjermane Kërkimore për Gjeoshkencat (GFZ), e vlerësuan tërmetin me magnitudë 5.9 dhe në një thellësi prej mbi 50 km.