Ministri i Punëve të Brendshme, Xhelal Sveçla, dhe Drejtori i Përgjithshëm i Policisë së Kosovës, Gazmend Hoxha, kanë vizituar vendin e ngjarjes pranë zonës ku ndodhi shpërthimi në gypin kryesor të Ibër-Lepencit.
Ata kanë parë nga afër situatën për të vlerësuar pasojat dhe për të koordinuar veprimet e mëtejshme. Pamjet nga vizita e tyre janë publikuar nga TV Dukagjini.
ATV, po sahtu mëson se njësi policore të pajisura me armë të gjata janë parë duke patrulluar dhe monitoruar situatën, ndërsa zona mbetet e blinduar për të parandaluar çdo incident të mundshëm.
Shpërthimi ka shkaktuar ndërprerje të furnizimit me ujë në disa zona të rëndësishme, përfshirë Mitrovicën, Vushtrrinë dhe deri te Korporata Energjetike e Kosovës. Ndërkohë, ekipet teknike të ndërmarrjes publike Ibër-Lepenc po punojnë për të ndaluar rrjedhjen e ujit që po shkakton dëme të mëdha.
Hetimet për zbardhjen e shkaqeve të shpërthimit janë duke vazhduar. /atvlive.tv
