Vranë dy drerë në Rugovë të Pejës, ndalohen për 48 orë dy persona

Dy persona janë arrestuar në Pejë, për shkak se kishin kryer gjueti të paligjshme në bjeshkët e Rugovës.

Rasti kishte ndodhur të dielën, ku dy të dyshuarit vranë dy drerë në Rugovë.

Të njëjtët me vendim të prokurorit janë ndaluar për 48 orë.

Kështu ka bërë të ditur zëdhënësi i Prokurorisë së Pejës, Shkodran Nikçi.

“Dy persona janë ndaluar për 48 orë me urdhër të prokurorit të Shtetit për veprën penale ‘Gjuetia e kundërligjshme’”, tha Nikçi.