Vetura godet këmbësoren në Prishtinë, shoferi dërgohet në mbajtje

Një këmbësore ka pësuar lëndime trupore pasi dyshohet se është goditur nga një veturë në Prishtinë.

Sipas Policisë së Kosovës, rasti ka ndodhur rreth orës 12:50, ndërsa i dyshuari, gjatë drejtimit të veturës, dyshohet se nga pakujdesia ka goditur këmbësoren.

Viktima është dërguar për trajtim mjekësor në Qendrën Klinike Universitare të Kosovës (QKUK).

Pas konsultimit me prokurorin, është iniciuar rasti për “Rrezikim të trafikut publik”, ndërsa i dyshuari është arrestuar dhe dërguar në mbajtje. /Telegrafi/