Një person ka humbur jetën në Vushtrri, pasi që dyshohet të jetë rrokullisur me traktor, njoftoi Policia e Kosovës.
“Vushtrri, 11.11.2024-11:50. Lidhur me rastin viktima mashkull kosovar është dërguar në spitalin e Mitrovicës Veri pasi që i njëjti dyshohet të jetë rrokullisur me traktor. Sipas mjekut kujdestar personi në fjalë ishte pa shenja jete”, thuhet në raportin 24-orësh të Policisë.
Rasti nga Policia u cilësua si i dyshimtë, derisa u tha se hetimet po vazhdojnë.
