Vdekje e dyshimtë në Kamenicë, një burrë gjendet në rrugë pa shenja jete

Një person është gjetur pa shenje jete dje në fshatin Kremenatë të Kamenicës.

Kështu njoftoi Policia e Kosovës përmes raportit 24-orësh, ku ndër të tjera thuhet se viktima është gjetur i shtrirë në rrugë, pa shenja jete.

“Në vendin e ngjarjes kanë dalë njësitet policore dhe ekipi mjekësor i cila ka konstatuar vdekjen e viktimës. Njësitet policore janë duke u marrë me rastin, ndërsa pritet vendim i prokurorit për veprime tjera”, thuhet tutje në njoftimin e policisë.

Rasti është hapur si vdekje e dyshimtë.