Unai Emery në radarët e Manchester Unitedit, Carrick nën presion pas krizës së rezultateve
Manchester Unitedi mund të ndryshojë sërish trajner, ndërsa Unai Emery është shfaqur si një nga kandidatët për ta marrë drejtimin e “Djajve të Kuq”.
Sipas raportimeve të The i Paper, trajneri spanjoll vlerësohet nga disa drejtues të klubit anglez, pas punës së suksesshme që ka bërë me Aston Villan, duke e shndërruar atë në një skuadër që lufton për pjesëmarrje në garat evropiane.
Reklamë
Megjithatë, Emery është i përkushtuar ndaj Aston Villas, ku ka ndikim të madh në vendimet sportive, ndaj një largim i mundshëm nuk do të ishte i lehtë.
Ndërkohë, pozita e Michael Carrickut në stolin e Manchester Unitedit është dobësuar ndjeshëm pas humbjes 4-1 ndaj Comos në Ligën e Kampionëve dhe një serie prej shtatë ndeshjesh pa fitore.
Situata është tensionuar edhe më shumë pas kritikave të kapitenit Bruno Fernandes ndaj taktikave të skuadrës, me Carrickun që iu kundërpërgjigj portugezit.
Përveç Emeryt, në mesin e kandidatëve të mundshëm përmenden edhe Eddie Howe, Antonio Conte, Fabian Hurzeler dhe Kieran McKenna.
Tashmë, drejtuesit e Unitedit duhet të vendosin nëse do t’i japin Carrickut më shumë kohë apo do të kërkojnë një trajner të ri për ta nxjerrë skuadrën nga kriza.
Për momentin, Emery mbetet një emër i përmendur në raportime, por nuk ka konfirmim për negociata konkrete apo marrëveshje me Manchester Unitedin.
Reklamë
