Tre të lënduar në Prishtinë, u përplasën nga një motoçikletë

Tre persona kanë mbetur të lënduar pasi janë përplasur nga një motoçikletë në rrugën “Bill Klinton” në Prishtinë.

Të lënduarit, këmbësorë, kanë pranuar tretman mjekësor.

“Rreth orës 13:30 kemi pranuar informatën për një aksident trafiku me lëndime në rrugën Bill Klinton në Prishtinë. Në aksident janë përfshirë një motoçikletë dhe tre këmbësorë. Sipas informatave fillestare, lëndime kanë pësuar tre persona, të cilët kanë pranuar tretman mjekësor”, ka konfirmuar për Paparacin zëdhënësi i Policisë për Prishtinë, Enis Pllana.

Me rastin po merret Trafiku i Kryeqytetit.