Një 37 vjeçar është vrarë sot në Gjilan në rrugën “Mërgimtarët e Gjilanit”. Gazetari i ATV-s, Arian Hajdaraj, në një lidhje të drejtpërdrejtë në Edicionin Qendror të lajmeve, ka dhënë detajet e fundit që dihen rreth këtij rasti.
Ai tregoi se Policia e Kosovës tashmë është duke hetuar rastin në disa pista, por që deri më tani, ende nuk ka rezultuar me ndonjë të arrestuar.
“Pavarësisht se kanë kaluar disa orë, ende nuk ka ndonjë të arrestuar si të dyshuar lidhur me këtë rast, por se sipas informacioneve të fundit, Policia tashmë është duke punuar në disa pista, për të cilat janë shprehur të rezervuar me qenë se thanë se mund të ndikojnë në vazhdën e hetimeve, por ndërkohë kuptojmë se edhe ka përfunduar ekzaminimi i trupit të pajetë të viktimës 37-vjeçairit, i cili u gjet pa shenja jete pikërisht këtu në rrugën Mërgimtarët e Gjilanit rreth orës 14:00 sot gjatë ditës, ku sipas të dhënave, janë gjetur të paktën dy hyrëse dhe dalëse në trupin e viktimës”, tregoi Hajdaraj.
Ai tha se ATV ka kuptuar se viktima ka qenë një recidivist i veprave penale, ku edhe kishte vuajtur dënim me burg në shtetin e Shqipërisë.
“Televizioni kupton po ashtu se i njëjti ka qenë një recidivist i veprave penale, duke theksuar se i njëjti, për një periudhë ka vuajtur edhe dënimin me burg në shtetin e Shqipërisë, për të rikthyer pastaj edhe në Kosovë, pikërisht në komunën e Gjilanit për të vazhduar jetën, por se, sa i përket angazhimit të tij se çfarë punonte dhe diçka tjetër, ende nuk ka informacione. Vlen të theksohet që sipas dëshmitarëve të rastit, me të cilët edhe kemi biseduar, kanë qenë disa persona të cilët e kanë takuar viktimën, pasi i njëjti ka dalë nga dyqani që ndodhet prapa nesh dhe vrasja e viktimës ka ndodhur pikërisht këtu në rrugën Mërgimtarët e Gjilanit, për tu vërejtur pastaj i njëjti i shtrirë në toke, e ku kanë ardhur më pas edhe ekipet e emergjencës për ta konfirmuar vdekjen e tij dhe dërguar pastaj për ekzaminim”, tregoi gazetari Hajdaraj.
Më shumë detaje i gjeni në Edicionin Qendror të lajmeve në ATV, në videon më poshtë:
