Ministria e Shëndetësisë ka apeluar për kujdes ndaj fëmijëve për shkak të temperaturave të larta në vend.
Nga kjo ministri po bëjnë thirrje që foshnjat deri në gjashtë muaj të mos ekspozohen në diell, ndërsa te grupmoshat tjera të përdoret vazhdimisht kapela me strehë te gjerë.
Rekomandohet që fëmijët të vishen me rroba të gjera dhe të lehta, t’iu ofrohet ujë vazhdimisht dhe të pastrohen rregullisht.
Më poshtë gjeni këshillat e MSh-së:
- Mos i ekspozoni në diell fëmijët e moshës 0 – 6 muaj;
- Përdorni kapelë me strehë të gjerë për të gjitha moshat;
- Vishni me rroba të gjera dhe të lehta;
- U jepni ujë rregullisht;
- Pastroni rregullisht.
- Kujdesi ndaj fëmijëve gjatë qëndrimit në pishinë/det
- Aplikoni kremin kundër diellit çdo 2 – 3 orë, jo më pak se me faktor mbrojtës 20;
- Në javën e parë të ekspozimit në diell përdorni produkte me faktor mbrojtës jo më pak se 50;
- Mos i dërgoni në parkun e lodrave në intervalin kohor prej orës 10:00 – 17:00;
- Fëmijët e vegjël duhet të mbikëqyren nga të rriturit, jo nga fëmijët më të mëdhenj sepse edhe ata janë të shtyrë për të luajtur dhe mund të shpërqendrohen lehtësisht.
