Shefi i OSBE-së takon Radoniqin: Po vazhdojmë ta mbështesim dixhitalizimin e proceseve kryesore zgjedhore

Shefi i misionit të OSBE-së, Gerard McGurk, ka takuar kryetarin e Komisionit Qendror të Zgjedhjeve, Kreshnik Radoniqin.

Siç njofton OSBE, të dy ata kanë diskutuar për zgjedhjet e parakohshme të 7 qershorit, takim i cili është cilësuar ‘’produktiv’’.

”Misioni i OSBE-së në Kosovë vazhdon të mbështesë dixhitalizimin e proceseve kryesore zgjedhore”, thuhet në njoftim, përcjell Gazeta Express.

Postimi:

Ambasadori Gerard McGurk: “Takim produktiv me partnerët e KQZ-së, Kryetarin Kreshnik Radoniqi, para zgjedhjeve të parakohshme të 7 qershorit.

Misioni i OSBE-së në Kosovë vazhdon të mbështesë dixhitalizimin e proceseve kryesore zgjedhore.

Zgjedhjet transparente varen nga institucionet e forta dhe infrastruktura moderne.”