Sipas The Telegraph Manchester City ka përforcuar interesin për sulmuesin e Bournemouth, Antoine Semenyo, pas tërheqjes së Chelseat nga gara.
25-vjeçari ka qenë prej kohësh në vëmendjen e Pep Guardiolës, i cili e ka cilësuar Semenyon si një “lojtar të jashtëzakonshëm” andaj City planifikon të aktivizojë klauzolën e lirimit prej 65 milionë eurosh të lojtarit në janar për të finalizuar marrëveshjen.
Liverpooli dhe Manchester United mbeten gjithashtu të interesuar për sulmuesin, ndërsa Chelsea ka ndryshuar fokusin drejt objektivave të tjera dhe nuk do ta ndjekë më këtë transferim.
Semenyo, i cili u transferua te Bournemouth nga Bristol City në 2023, ka shënuar tetë gola këtë sezon dhe pritet të largohet sapo të aktivizohet klauzola e tij. Bournemouth duket i gatshëm ta lërë të lirë, ndërsa Tottenham, megjithëse kishte shfaqur më parë interes, nuk duket më një destinacion i mundshëm.
City beson se sulmuesi mund të sjellë freski dhe dinamizëm në ofensivën e tyre dhe nuk do të ketë problem të përmbushë kërkesat financiare të lojtarit. Megjithatë, çdo lëvizje mund të varet nga largimet e tjera në skuadër, duke pasur parasysh preferencën e Guardiolës për një ekip të kompaktuar.
Liverpooli mbetet gjithashtu në garë për shërbimet e tij, duke ruajtur mundësinë për një ofertë të ardhshme. /ATVLIVE.TV
