Trajneri i njohur i futbollit, tani kandidat për deputet nga Lëvizja Vetëvendosje, Bylbyl Sokoli, në emisionin COMPASS në ATV, vlerësoi arritjet e Qeverisë Kurti në katër vitet e fundit, veçanërisht në infrastrukturën sportive.
Sokoli tha se gjatë këtij mandati janë ndërmarrë hapa të rëndësishëm për zhvillimin e sportit, përfshirë miratimin e Ligjit për Sport dhe fillimin e projekteve kapitale për ndërtimin e stadiumeve në disa qytete kryesore të Kosovës.
“Jam i sigurt që në këto katër vite të fundit është punuar në infrastrukturën ligjore dhe është arritur një rezultat shumë i mirë. Ligji për Sport është ndër më të mirët, dhe janë filluar projekte për ndërtimin e stadiumeve në Mitrovicë, Gjilan, Gjakovë, Ferizaj dhe Drenas,” tha Sokoli.
Ai shtoi se rezultatet e këtyre projekteve janë evidente pavarësisht sfidave.
Intervistën e plotë me Bylbyl Sokolin në emisionin COMPASS, e gjeni në videon më poshtë:
