ashkësia Islame e Kosovës ka reaguar pas sulmit të së martës në një spital në Gaza, ku mbetën të vdekur rreth 500 persona.
Myftiu i Kosovës, Naim Tërnava është shprehur i tmerruar e i trishtuar pas këtij lajmi.
“Jam i tmerruar e i trishtuar pas lajmit për bombardimin dhe granatimin e spitalit në Gaza, ku humbën jetën qindra qytetarë të pambrojtur e të pafajshëm, gra, fëmijë, të sëmurë dhe të plagosur,” ka shkruar ai në Facebook.
Tutje, Tërnava ka dënuar ashpër veprimin, duke e cilësuar krim kundër njerëzimit.
Ai ka ftuar botën demokratike të ndërmarrë hapa në parandalimin e “një kasaphaneje në Gaza”.
”Dënojmë në formën më të ashpër këtë veprim, i cili është krim kundër njerëzimit. Ftoj botën demokratike e qytetëruese, që të ndërmarrë hapa e të veprojë me shpejtësi në parandalimin e një kasaphaneje në Gaza, për të cilën do të jemi përgjegjës që të gjithë,”- është shprehur Tërnava.
Ai ë bërë thirrje për ndalim të dhunës e parandalim të një holokausti të ri.
