Publikohen çmimet e derivateve të naftës për ditën e sotme

Ministria e Industrisë, Ndërmarrësisë, Tregtisë dhe Inovacionit ka publikuar çmimet tavan për derivatet e naftës, që do të jenë në fuqi gjatë ditës së sotme.

Sipas vendimit të ri, një litër naftë, apo dizel, do të shitet deri në 1 euro e 59 centë, një centë më lirë se një ditë më parë.

Benzina është caktuar në 1 euro e 49 centë për litër, ndërsa çmimi maksimal i gazit do të jetë 77 centë për litër.