Ministrja e Ekonomisë, Artane Rizvanolli, sot është intervistuar nga Prokuroria Speciale e Kosovës.
Kjo është konfirmuar nga Prokuroria Speciale përmes një njoftimi për media, ku thuhet se Rizvanolli është intervistuar në cilësinë e dëshmitares për një çështje penale.
“Prokuroria Speciale informon se sot, ministrja Artane Rizvanolli, është paraqitur në Prokurorinë Speciale me ftesë të kësaj prokurorie. E njëjta është duke u intervistuar në cilësinë e dëshmitares për një çështje penale, të cilën kjo prokurori e ka në hetim”, thuhet në njoftim.
