Ministrja e Infrastrukturës dhe Energjisë, Belinda Balluku, ka bërë të ditur se ka përfunduar studimi i fizibilitetit dhe projektit për hekurudhën Durrës-Prishtinë.
Në një postim në Facebook, ajo ka thënë se kjo është hekurudha kuq – zi derisa ka publikuar një video në të cilën shihet i gjithë projekti.
“Raporti, i cili u prezantua nga Konsulenti në prani të ekipeve nga Kosova dhe Shqipëria, tashmë i hap rrugë realizimit të veprës infrastrukturore më të rëndësishme për kombin dhe ekonominë e rajonit në tërësi”, ka thënë Balluku.
