Kryeministri i Kosovës, Albin Kurti, ka marrë pjesë në panelin e diskutimit me temë “Besimi, Lidershipi dhe Amerika 250”, në Shtëpinë e Shteteve të Bashkuara të Amerikës në Davos.
Kjo ka tërhequr vëmendjen edhe në shtetin serb, ku ish-bashkëpartiaku i presidentit të Serbisë, Aleksandar Vuçiq, Dragan Shormaz.
Ky i fundit është talluar në kurriz të udhëheqësit serb duke deklaruar se askush nuk dëshiron ta takojë dhe ta ftojë Vuçiqin.
“Gjersa Aleksandar Vuçiq po hanë djathë me patate të nxehta dhe po i ndjek njerëzit në korridore, Kurti në Davos tashmë ka marr pjesë në Shtëpinë Amerikane në panelin e parë!”, deklaroi kryetar i Këshillit Euroatlantik të Serbisë, Shormaz.
Dok @avucic jede topljeni sir sa krompirom i juri ljude po hodnicima, Kurti je u Davosu već učestvovao u Američkoj kući na prvom panelu!https://t.co/fqxnnRK2K6
— Dragan Šormaz (@dragansormaz) January 20, 2026
Theksojmë se paneli ku mori pjesë Kurti është pjesë e iniciativës së Forumit Ekonomik Botëror, “Komuniteti i Besimit në Veprim”, e cila synon të nxisë reflektim mbi mënyrën se si udhëheqësit nga vende të ndryshme të botës mund të ndërtojnë partneritete inovative në fushat e mjedisit, ekonomisë dhe teknologjisë.
Gjatë diskutimit, Kurti ka theksuar rolin e besimit si element kyç në ndërtimin e shërbimit dhe unitetit në shoqëri dhe në funksionimin e shtetit.
“Besimi shërben si shtyllë e shërbimit dhe unitetit në etapa të ndryshme shoqërore dhe shtetërore”, ka deklaruar Kurti, duke shtuar se optimizmi për të ardhmen buron nga angazhimi dhe aktivizmi i vazhdueshëm.
Ndryshe, kjo iniciativë, sipas organizatorëve, synon gjithashtu të shqyrtojë mënyrat se si liderët globalë mund të përshpejtojnë bashkëpunimin dhe reagimin ndaj sfidave aktuale shoqërore.
