Operacioni “The Wanted”: Ekstradohet nga Franca 43-vjeçari i dyshuar për planifikim vrasjeje

Në kuadër të operacionit të koduar “The Wanted”, në bashkëpunim mes Interpol Tiranës dhe autoriteteve në Franca, është ekstraduar drejt Shqipërisë një shtetas 43-vjeçar i identifikuar me inicialet A. S.

Sipas autoriteteve, Gjykata e Durrësit i kishte caktuar masën “arrest në burg” që në vitin 2022, për disa vepra penale, përfshirë sigurimin e kushteve për kryerjen e vrasjes dhe përfshirjen në grup të strukturuar kriminal.

Ai akuzohet se, në bashkëpunim me persona të tjerë, kishte planifikuar vrasjen e dy shtetasve, duke siguruar mjete dhe logjistikë, por pa arritur ta realizojë. Hetimet e lidhin gjithashtu me një rast grabitjeje me kërcënim në Francë, në kuadër të një bande të organizuar.