Të premten, më 6 shkurt, nisin Lojërat Olimpike Dimërore Milano-Cortina 2026, të cilat do të mbahen deri më 22 shkurt.
Kosova në këto lojëra përfaqësohet nga skiatorët Kiana Kryeziu dhe Drin Kokaj. Të dy atletët shprehen optimistë dhe premtojnë përpjekje maksimale për të arritur rezultate pozitive.
Kiana Kryeziu, duke folur për përvojën në olimpiadën e kaluar në Pekin, tha se tani synon rezultate më të mira. Drin Kokaj, që merr pjesë për herë të parë në Olimpiadën Dimërore, tha se ndihet i emocionuar dhe do të japë gjithçka për të përfaqësuar sa më denjësisht Kosovën.
Shqipëria përfaqësohet nga 4 skiatorë: Lara Colturi, Denni Xhepa, Lisa Brunga dhe Semire Dauti. Në fokus të garave do të jetë Lara Colturi, e cila renditet e pesta në botë dhe synon medalje olimpike. Gara kryesore e saj do të zhvillohet më 15 dhe 18 shkurt.
Në kuadër të përurimit të lojërave do të organizohen tri ceremoni: në Milano, Kortina (ku Lara Colturi do të mbajë flamurin shqiptar) dhe në Borno.
