Kuvendi i Kosovës ka miratuar përbërjen e 16 komisioneve parlamentare, duke i hapur rrugë funksionalizimit të punës së tyre në legjislaturën e re.
100 deputetë votuan për, 1 kundër dhe asnjë abstenim.
Nëntë komisione do t’i takojnë LVV-së, tri PDK-së, dy LDK-së, një Listës Serbe dhe një Grupit Parlamentar Multietnik.
“Kuvendi miratoi përbërjen e 16 komisioneve parlamentare për legjislaturën e 10-të të Kuvendit të Kosovës”, tha Haxhiu, teksa mbylli punimet e kësaj seance./EO
