Ministrja në aeroplan, palët në Gjykatë
Përgatiti: Arian Hajdaraj
Në gjykatë do të duhej të ishte në orën 9:00 për mosdeklarim të pasurisë.
Reklamë
Por, Ministrja e Punëve të jashtme, Donika Gërvalla – Schwarz, gjatë kësaj kohe ishte duke udhëtuar. Këtë e konfirmoi avokati i saj.
“Është në vizitë zyrtare. Një takim i cili është caktu shumë më herët. Me ministrin e Punëve të Jashtme të Lituanisë është në Zagreb. Për prokurorin, shtyrja e seancës nuk përbente problem”, tha Arianit Koci, avokat i Donika Gërvallës.
“Sipas kodit të procedurës, ka mundësi për vazhdimin e seancës. Por nëse e pandehura paraqitet në seancën e radhës, nuk e kundërshtojmë që seanca të shtyhet”, ka thënë prokurori i Shtetit.
Andaj, gjykatësi edhe vendosi në këtë drejtim.
Ministrja Gërvalla akuzohet se në cilësinë e zyrtares së lartë publike, në formularin për deklarim të pasurisë, më 22 mars 2021, nuk i ka paraqitur saktë të dhënat e kërkuara me ligj.
Reklamë
