Michelle Obama ka folur hapur për sfidat dhe kritikat me të cilat është përballur gjatë mandatit të saj si Zonjë e Parë e Shteteve të Bashkuara, duke treguar se shpesh vëmendja publike ishte e fokusuar më shumë te pamja e jashtme sesa te arritjet e saj profesionale.
Në një intervistë në podcastin Call Her Daddy, të moderuar nga Alex Cooper, ajo u shpreh se me rritjen e famës, mediat nisën ta reduktonin figurën e saj te veshja dhe stili, duke lënë në hije arsimimin dhe karrierën e saj.
Sipas Michelle Obama, kritikat shpesh kaluan nga çështjet politike në paragjykime gjinore, ku fuqia dhe vetëbesimi i saj interpretoheshin si zemërim, sensi i humorit si mungesë serioziteti, ndërsa fiziku atletik shihej si diçka kërcënuese.
Michelle tregoi se zgjodhi t’u përgjigjej këtyre kritikave duke ndërtuar një strategji të qartë, përfshirë përdorimin e modës me qëllim dhe mesazh, njësoj si çdo aspekt tjetër i punës së saj në Shtëpinë e Bardhë.
Michelle Obama theksoi gjithashtu se gratë çdo ditë kryejnë shumë punë të padukshme, e cila kërkon përkushtim, planifikim dhe strategji.
Sa u përket kritikëve, ajo tha se vendosi të “shkojë lart”, duke i trajtuar me njerëzi dhe duke mos lejuar që negativiteti të ndikojë në besimin e saj apo në shpresën për të ardhmen e vendit.
