Mesatarisht 10 persona burgosen brenda ditës në Kosovë
Përgatiti: Driton Sadiku
Burgjet e Kosovës gati çdo ditë pranojnë të burgosur të rinj. Mesatarisht dhjetë qytetarë në ditë përfundojnë prapa grilave, për vepra të ndryshme penale.
Reklamë
Nga janari e deri në tetor, plot 3115 qytetarë janë prangosur, sipas të dhënave të Shërbimit Korrektues.
Kësisoj në tri vitet e fundit, janë mbi 10 mijë qytetarë të cilët u privuan nga liria.
Megjithatë, aq sa hyjnë, edhe dalin.
Brenda një viti, mesatarisht 3650 persona hyjnë në burg, e 3700 përfundojnë vuajtjen e dënimit me burgim.
Pavarësisht shifrave, Këshilli për Mbrojtjen e të Drejtave dhe Lirive të Njeriut, thotë se të burgosurit kosovarë trajtohen mirë.
Aktualisht në të gjitha burgjet apo qendrat korrektuese, vuajnë dënimin 1749 persona, por nga KMDLNJ-ja thonë se shumica prej tyre meritojnë lirimin.
Sidoqoftë, për një të burgosur shteti paguan mbi 800 euro në baza mujore, teksa për një vit, të burgosurit në total shtetit i kushtojnë afër 1.4 milion euro.
Reklamë
