Katër persona janë arrestuar në Malishevë, pasi dyshohet se kanë shtënë me armë zjarri gjatë një ahengu familjar.
Sipas Policisë së Kosovës, rasti ka ndodhur më 9 gusht, ndërsa të dyshuarit, katër meshkuj kosovarë, janë arrestuar më 10 gusht.
Gjatë intervenimit, Policia ka konfiskuar një pushkë të tipit AK-47, një pushkë gjysmëautomatike, një revole me gaz, katër fishekë dhe katër gëzhoja.
Të dyshuarit janë intervistuar nga Policia, ndërsa me vendim të prokurorit rasti është proceduar në procedurë të rregullt.
Rasti po hetohet për veprat penale “Mbajtja në pronësi, kontroll ose posedim i paautorizuar i armëve” dhe “Përdorimi i armës apo mjetit të rrezikshëm”.
