Gjenarali që udhëhoqi fushatën ajrore në NATO-s, kundër forcave serbe një çerek shekulli më parë sot ishte mysafir në Ministrinë e Mbrojtjes së Republikës ku u prit nga ministri, Ejup Maqedonci.
Gjenerali amerikan Wesley Clark aty u njoftua në mënyrë të detajuar mbi përparimin Ushtrisë së Kosovës.
“Ministri e informoi Gjeneralin Clark në mënyrë të detajuar mbi përparimin e ndjeshëm të Forcës së Sigurisë së Kosovës, në realizimin e objektivave të dakorduara në kuadër të Planit Gjithëpërfshirës të Tranzicionit. Ai theksoi se niveli i lartë i profesionalizmit që Forca e Sigurisë së Kosovës dëshmon sot, para së gjithash, është rezultat i marrëdhënieve dhe bashkëpunimit të ngushtë në fushën e mbrojtjes dhe sigurisë ndërmjet vendeve tona, për çka kontributi i Gjeneralit Clark ka qenë dhe mbetet tejet i rëndësishëm”, thuhet në njoftimin e shpërndarë nga kjo ministri.
Takime si ky, ministria i ka quajtur si rikujtues i kohërave të vështira të angazhimit të përbashkët për liri.
“Kur po luftonim me bashkëluftëtarë kundër së keqes që i kanosej vendit tonë, ndihma nga ajri përmes NATO-s ishte vendimtare për përmbylljen e luftës. Wesley Clark, po komandonte forcat e NATO-s në ndërhyrjen humanitare që do të ndryshonte përgjithmonë të ardhmen e vendit tonë”, u shpreh ministri Maqedonci.
