Përgatiti: Krenare Mulliqi
Ministria e Administrimit të Pushtetit lokal refuzoi edhe zyrtarisht kërkesën e kryetarit të Gjilanit, Alban Hyseni, për shpërndarjen e Kuvendit.
Madje, Ministria në vendimin e saj kërkoi nga Komuna ta miratojë buxhetin për vitin 2025 sa më shpejt, derisa pikërisht buxheti u bë mollë sherri mes pushtetit e opozitës.
Opozita e Gjilanit ankohej për injorim nga kryetari, ndërkaq vendimin e Ministrisë e mirëpret.
Sidoqoftë që buxheti të votohet opozita ka kushte.
Kuvendi i Gjilanit deri më tani tri herë dështoi të miratojë buxhetin e vitit 2025.
Kjo u pamundësua nga mospjesëmarrja e opozitës në seancë.
Afati i fundit kur komunat duhet të miratojnë buxhetin është 31 shtatori. Buxheti i Gjilanit për vitin 2025 planifikohet të jetë 34 milionë euro.
