Emisioni veror i ATV-së, “n’mal An’det”, vazhdon të sjellë për shikuesit argëtim, intervista dhe eksplorim kulturor.
Në këtë emision, pos rubrikave të shumta argëtuese, është edhe rubrika me tregime popullore, të cilat i interpreton aktori Bislim Muçaj.
Mbrëmë, në ciklin e tregimeve popullore, u rrëfye një ngjarje që kishte ndodhur në një dyqan plisash.
Një klient me një kokë dukshëm të madhe kërkoi një plis për kokën e tij, por shitësi kishte vetëm një në dispozicion. Shitësi e informoi klientin se ky plis i veçantë kishte një çmim më të lartë se mesatarja, duke pasur parasysh madhësinë e tij, gjë që e bën atë të rrallë nëpër dyqane. Si përgjigje, klienti tha me humor: “Edhe dikush me një madhësi kaq të konsiderueshme të kokës rrallë frekuenton dyqanin”.
Tregimin e plotë mund ta shikoni në videon më poshtë.
Emisioni n’mal An’det, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.
Në videon e më poshtme e gjeni emisionin e plotë “n’mal A n’det” që u transmetua mbrëmë: