Josh Gad bëri një përditësim rreth filmit të tretë të Frozen!
Aktori, i cili aktron me zë për Olaf në këtë film të Disney-t, do të rikthehet në rolin e tij për këtë vazhdim. Po ashtu, është duke u punuar edhe për një film të katërt, pasi historia do të ndahet në dy filma.
Kanë kaluar gati tre vjet që kur u njoftua Frozen 3 dhe pak më shumë se një vit që kur puna për filmin e tretë ka nisur. Ndërkohë që prodhimi i filmit është në zhvillim, do të kalojnë mbi dy vjet deri sa ai të shfaqet në kinematë e botës!
Në një intervistë të re, Josh shpjegoi arsyet pse po merr kaq shumë kohë për të dalë filmi.
“Këto janë ato që mund t’ju them,” tha ai. “Ka një arsye pse filmi do të dalë në vitin 2027. Dhe ajo arsye është që askush nuk dëshiron ta nxjerrë me shpejtësi. Të gjithë duan që ky të mos jetë thjesht një vazhdim apo një mënyrë për të fituar para. Ata duan që ky film të jetë plotësisht i denjë për historinë që filluam të krijonim në vitin 2013 [në filmin e parë Frozen].”
“Dhe ne duam t’u japim audiencës diçka që ia vlen për vitet e pritjes dhe përvojës që ata kanë kaluar,” vazhdoi Josh. “Dhe e di që ata janë duke punuar vazhdimisht për këtë. Dhe e di që ata kanë një histori për të cilën janë shumë, shumë, shumë të emocionuar”.
