Këshilltari në Ministri të Bujqësisë, Naim Huruglica, në emisionin CONTEXT në ATV, duke komentuar raportin e importit 1 me 9 (në favor të importit), tha se Kosova nuk po i favorizon më shumë importuesit se sa prodhuesit, por sipas tij, situata lidhet me marrëveshjet ndërkombëtare të tregtisë së lirë.
“Në realitet kur themi favorizim, nuk them që i favorizon importuesit, por Kosova është pjesë e dy marrëveshjeve të tregtisë së lirë, përmes të cilave, gati 85 për qind nëse nuk gaboj, e komplet shkëmbimeve tregtare bëhen me dy grupe të shteteve. Janë shtete të cilat janë anëtare e CEFTA-s që është në regjion dhe vendet e BE-së përmes marrëveshjes së Stabilizim Asociimit”, tha Huruglica.
Ai shpjegoi se shumica e importeve në Kosovë vijnë nga vende vendet ku Kosva nuk ka detyrim doganor.
“Ne jemi pajtuar t’i liberalizojmë tregjet sepse kemi synuar edhe të eksportojmë,” shtoi Huruglica.
Intervistën e plotë të tij në CONTEXT në ATV, e gjeni në videon më poshtë:
