Ushqimet kalorike, stresi, mungesa e gjumit dhe faktorë të tjerë të stilit modern të jetesës shpesh e vështirësojnë ruajtjen e peshës ideale. Megjithatë, sipas nutricistëve, humbja në peshë mund të arrihet edhe përmes zgjedhjes së ushqimeve të duhura që ndikojnë pozitivisht në metabolizëm dhe ndjenjën e ngopjes.
Disa nga ushqimet që ndihmojnë në humbjen e peshës përfshijnë mollët, shpargun, fasulet, boronicat dhe frutet citrike, të cilat janë të pasura me fibra dhe antioksidantë. Po ashtu, gjiza, vezët dhe jogurti janë burime të mira proteinash që ndihmojnë në mbajtjen e ngopjes për një kohë më të gjatë.
Lakra jeshile dhe patatet, veçanërisht kur konsumohen të ziera, konsiderohen ushqime të shëndetshme dhe të ngopshme, të cilat mund të jenë pjesë e një diete të balancuar për humbje në peshë.
Ekspertët e ushqyerjes rekomandojnë që këto ushqime të kombinohen me aktivitet fizik të rregullt dhe gjumë të mjaftueshëm, për të arritur rezultate të qëndrueshme dhe të shëndetshme.
