Hoti: E arritëm mbështetjen ndërkombëtare për dialogun, ku synimi ka qenë vetëm njohje reciproke
Ish-kryeministri i Kosovës, Avdullah Hoti, në emisionin CONTEXT në ATV, foli për procesin e dialogut me Serbinë gjatë mandatit të tij, duke theksuar se synimi kryesor ishte arritja e marrëveshjes përfundimtare për njohje reciproke.
Hoti tha se bllokimi i dialogut në periudhën e mëparshme kishte krijuar nevojën urgjente për rifillimin e procesit me mbështetjen e aleatëve ndërkombëtarë.
Reklamë
“Në javët e para, kur unë e kam marrë mandatin, kemi lëviz fuqishëm tek aleatët kryesorë që të marrim mbështetjen e tyre për të hyrë në proces të dialogut vetëm për marrëveshje përfundimtare për njohje reciproke. Dhe këtë e kemi arritur,” tha Hoti.
Ai theksoi se gjatë procesit u dakorduan disa parime kyçe, përfshirë mosdiskutimin për tërësinë territoriale dhe rendin kushtetues të Kosovës.
“Dialogu është për njohje reciproke, pikë. Në procesin e dialogut nuk diskutohet për tërësinë territoriale të Kosovës dhe nuk diskutohet për rendin kushtetues të Republikës së Kosovës,” deklaroi Hoti.
Intervistën e plotë të Avdullah Hotit në emisionin CONTEXT e gjeni në videon më poshtë:
Reklamë
