Disa nxënës të shkollës së mesme “7 shtatori” në fshatin Vitomiricë në Pejë dyshohet se janë helmuar.
Zëdhënësi i policisë për rajonin e Pejës, Fadil Gashi ka thënë se rasti dyshohet të ketë ndodhur pasditen e së martës.
“Policia e ka marrë dje informatën. Disa nxënës dje masdite kanë kërkuar ndihmë në QMF në Vitomiricë, pasi dyshohet se kanë ngrënë në afërsi të një furre pranë shkollës. Nxënësit kanë pasur dhimbje barku. Kemi kontaktuar me Drejtorin dhe ai ka lajmëruar DKA-në. Është lajmëruar edhe Prokurori dhe ka caktuar hetuesit që ta hetojnë rastin”, tha Gashi.
Ekipi i ATV-së është në terren dhe do të sjellë informata të përditësuara në edicionet e lajmeve.
