Kalo te përmbajtja
Të fundit

Helikopteri rus hyn në hapësirën ajrore të Polonisë, qëndron 42 sekonda – aktivizohen avionët luftarakë

Nga Gazetar i verifikuar i ATV

Shto ATV në Google(hapet në dritare të re)

Ndaj

Ndani këtë artikull përmes

Ose kopjo linkun

Helikopteri rus hyn në hapësirën ajrore të Polonisë, qëndron 42 sekonda – aktivizohen avionët luftarakë

Një helikopter ushtarak rus i tipit Mi-8 ka hyrë për pak çaste në hapësirën ajrore të Polonisë, pasi ka kaluar nga enklava ruse e Kaliningradit, njoftoi të mërkurën Komanda Operative e ushtrisë polake.

Sipas autoriteteve polake, helikopteri ka qëndruar 42 sekonda brenda hapësirës ajrore të Polonisë, duke depërtuar deri në rreth 300 metra në territorin ajror të vendit.

Reklamë

Pas incidentit, Polonia ka aktivizuar aeroplanët luftarakë, ndërsa forcat dhe mjetet e mbrojtjes ajrore në tokë janë vendosur në gatishmëri.

Komanda Operative e Ushtrisë Polake ka deklaruar se, bazuar në vlerësimin e saj, natyra e incidentit tregon se Rusia po teston sërish gatishmërinë e mbrojtjes ajrore polake.

Polonia, si anëtare e NATO-s, ka rritur nivelin e gatishmërisë ndaj incidenteve të mundshme në hapësirën e saj ajrore që lidhen me luftën e Rusisë në Ukrainë.

Incidenti ndodh në një periudhë kur vendet e krahut lindor të NATO-s po monitorojnë nga afër lëvizjet ajrore pranë kufijve të tyre.

Reklamë

Helikopteri rus hyn në hapësirën ajrore të Polonisë, qëndron 42 sekonda – aktivizohen avionët luftarakë | ATV