Haradinaj ngushëllon familjet e tre viktimave: Rrugët janë më të ngarkuara, kujdes i shtuar në komunikacion
Ramush Haradinaj nga AAK, ka shprehur ngushëllimet e tij për familjet e tre qytetarëve të Kosovës që humbën jetën në aksidentin tragjik në Maqedoninë e Veriut, teksa po ktheheshin nga Shkupi për në Kosovë.
Haradinaj tha se me shqetësim dhe dhimbje të thellë po përcjell lajmet për tragjeditë në komunikacion që, sipas tij, po marrin jetë njerëzish.
Reklamë
Ai u shprehu ngushëllimet më të sinqerta familjeve Tërnava dhe Shabani, të cilat humbën të afërmit e tyre në aksidentin rrugor të ndodhur në Maqedoninë e Veriut.
Në reagimin e tij, Haradinaj u bëri thirrje të gjithë pjesëmarrësve në komunikacion që të tregojnë kujdes të shtuar dhe të respektojnë rregullat e trafikut, duke theksuar se në këtë periudhë rrugët janë dukshëm më të ngarkuara për shkak të ardhjes së bashkatdhetarëve.
“Me shqetësim dhe dhimbje të thellë po i përcjell lajmet për tragjeditë në komunikacion, të cilat, fatkeqësisht, rezultuan me humbje jetësh. Në këtë periudhë, kur me ardhjen e bashkatdhetarëve rrugët tona janë dukshëm më të ngarkuara, apeloj te çdo pjesëmarrës në komunikacion për kujdes të shtuar dhe respektim të rregullave të trafikut”, ka shkruar Haradinaj.
Reklamë
