Presidentja Vjosa Osmani e cila po qëndron në Mitrovicë, pas akademisë përkujtimore në nderim të jetës dhe veprës së Agim Hajrizit dhe Latif Berishës, u pyet nga gazetarët se mos ka nisur një fushatë në kuadër të vizitave që po zhvillon në qytete të ndryshme të Kosovës, gjë të cilën ajo e mohoi.
Osmani vizitat që po i zhvillon i ka cilësuar si falënderim ndaj qytetarëve që i kanë dhënë përkrahje për gjatë këtyre pesë viteve.
“Aludimet janë të pasakta. I falënderoj qytetarët për përkrahjen, për dashurinë që na kanë dhënë, për faktin që kanë qenë pranë nesh çdo ditë përgjatë këtyre pesë viteve edhe për nderin e madh që ma kanë dhënë që t’i përfaqësoj ata brenda dhe jashtë, përgjatë këtyre viteve. Pra thjesht janë takime falënderimi siç i patë edhe shumë prej këtyre që sapo i patëm këtu”, tha Osmani para gazetarëve.
Presidentja u pyet edhe për raportet aktuale me Donika Gërvallën, por Osmani refuzoi të përgjigjej.
“Kishim lut për pak respekt për kujtimin e Agim Hajrizit dhe Latif Berishës”, tha Osmani.
