Miliarderi Elon Musk, CEO i Tesla-s dhe pronari i Twitter-it, ri-përsëriti të premten pikëpamjen e tij se duhet të ketë një ‘pauzë’ në zhvillimin e Inteligjencës Artificiale (AI) dhe se sektori i AI-s kishte nevojë për rregullim.
“Ekziston një rrezik real që super-inteligjenca dixhitale të ketë pasoja negative”, tha Musk, në eventin VivaTech në Paris, transmeton Telegrafi.
“Unë jam në favor të rregullimit të AI-s”, shtoi ai.
Musk në këtë panair ka folur gjithashtu edhe për Tesla-n e Neuralink.
Miliarderi deklaroi se Tesla është gati të kompletojë kapacitetin e automjeteve plotësisht autonome.
