Dhjetëra pasagjerë largohen nga anija ku shpërtheu hantavirusi
Dhjetëra pasagjerë u larguan nga një anije turistike e goditur nga një shpërthim vdekjeprurës i hantavirusit më 24 prill, gati dy javë pasi pasagjeri i parë vdiq në bord, thanë të enjten operatori i anijes dhe zyrtarët holandezë.
Kompania kishte thënë më parë se trupi i burrit holandez që vdiq më 11 prill u nxor nga anija në ishullin e largët të Shën Helenës në Atlantikun Jugor, ku zbarkoi edhe gruaja e tij. Ajo më pas fluturoi për në Afrikën e Jugut dhe vdiq atje.
Reklamë
Kompania shtoi të enjten se 29 pasagjerë u larguan nga anija, ndërsa Ministria e Jashtme holandeze e vendosi numrin në rreth 40.
Autoritetet afrikane dhe evropiane po përpiqen të gjurmojnë kontaktet e pasagjerëve që janë larguar nga anija, raportoi AP.
Autoritetet holandeze nuk bënë të ditur se ku gjenden pasagjerët që kanë zbarkuar.
Tre pasagjerë deri tash kanë vdekur nga virusi dhe dhjetëra të tjerë janë infektuar.
Reklamë
