Jennifer Lopez dhe Ben Affleck, të cilët u martuan në vitin 2022, kanë caktuar datën e divorcit vetëm pesë muaj pasi ua dhanë lajmin fansave në përvjetorin e tyre të dytë të martesës.
Sipas mediave të huaja, të dy kanë arritur një marrëveshje për t’i dhënë fund martesës së tyre zyrtarisht më 20 shkurt të këtij viti.
Çifti ranë dakord që secili të ruante pronën që fitoi gjatë martesës, duke përfshirë një rezidencë prej 61 milionë dollarësh në Beverly Hills që ata blenë së bashku.
Edhe pse nuk kishin një marrëveshje paramartesore, pasuria e tyre totale është rreth 550 milionë dollarë, nga të cilat Jennifer Lopez ka fituar 400 milionë.
Ben Affleck do të mbajë aksionet e tij në kompaninë e prodhimit “Artists Equity”, të cilën e themeloi në vitin 2022 me mikun Matt Damon, e cila është përgjegjëse për filma si “Air”, “The Accountant 2” dhe “Unstoppable”.
Jennifer Lopez, megjithatë, thuhet se fiton rreth 40 milionë dollarë në vit, ndërsa paga e Affleck ndryshon, por në vitin 2020 ishte 55 milionë dollarë.
Edhe pse vendosën t’i japin fund martesës së tyre, Lopez dhe Affleck mbetën në marrëdhënie miqësore, kryesisht për hir të fëmijëve të tyre. Ben ka tre fëmijë me ish-bashkëshorten Jennifer Garner, ndërsa Jennifer Lopez ka një djalë dhe një vajzë nga martesa me këngëtarin Marc Anthony.
Ndonëse nuk janë në një lidhje romantike, të dy kanë vendosur të vazhdojnë të jenë prezent në jetën e njëri-tjetrit, për shkak të fëmijëve dhe miqësisë së gjatë. /Telegrafi/
