Dëmtohet gypi i ujësjellësit, këto lagje dhe fshatra të Prishtinës mbesin pa ujë të pijshëm

Kompania Rajonale e Ujësjellësit Prishtina ka njoftuar se për shkak të defektit të një gypi, rrugët “Bajram Bahtiri” nga kryqëzimi me rrugën e “Tomorit” dhe fshatrat Llukar e Makovc në Prishtinë, kanë mbetur pa furnizim me ujë të pijshëm.

Sipas K.R.U “Prishtina”, ndërrimi i gypit të ujit është i domosdoshëm, pasi thellësia e tij është mbi dy metra, me ç’rast edhe rrezikshmëria është e lartë.

Kompania shtoi se janë detyruar t’i ndërpresin punimet për shkak të shembjes së dheut.