Demi Moore përjetoi një zhgënjim të madh pasi humbi çmimin për aktoren më të mirë në Oscar 2025 ndaj Mikey Madison, yllit të filmit “Anora”. Pasi kishte fituar Golden Globe për të njëjtën kategori, Moore kishte shumë shpresa për një triumf në Academy Awards, por mbeti e dëshpëruar kur u shpall emri i Madison si fituese. Në një video të shpërndarë në rrjetet sociale, Moore u duk e tensionuar dhe shtrëngoi nofullën në momentin e shpalljes së rezultatit.
Nga ana tjetër, fituesja e çmimit, Mikey Madison, u emocionua teksa mbajti fjalimin e saj, duke thënë se kjo ishte një ëndërr e bërë realitet dhe duke falënderuar koleget e nominuara për punën e tyre të jashtëzakonshme.
