Aktorja Cameron Diaz dhe Jamie Foxx kanë rolet kryesore në komedinë aksion të Netflix, “Back In Action”. Ky film përqendrohet në jetën e çiftit të martuar, Emily dhe Matt, ose Diaz dhe Foxx, që janë ish-agjentë të CIA-s të cilët rikthehen në detyrë pasi identitetet e tyre sekrete dalin në dritë. Përveç Diaz dhe Foxx, kastit të filmit i janë bashkuar edhe Glenn Close, Kyle Chandler, Andrew Scott, Jamie Demetriou, McKenna Roberts dhe Rylan Jackson.
Përgatitjet për këtë film filluan në mesin e vitit 2022 kur Diaz vendosi t’i japë fund pushimit të saj nga aktrimi. “Back In Action” do të publikohet në Netflix më 17 qershor 2025. Jamie Foxx, emri i plotë i të cilit është Eric Marlon Bishop, ka lindur më 13 dhjetor 1967, në Terrell, Teksas, dhe ka krijuar një karrierë të jashtëzakonshme në fushën e argëtimit, përfshirë komedi, aktrim, prodhim dhe muzikë. Diversiteti i tij në talente e ka shndërruar atë në një figurë të njohur, me pasuri neto që lëviz midis 150 dhe 170 milionë dollarë, sipas raporteve të ndryshme.
Në anën tjetër, Cameron Diaz shpjegoi arsyen përse vendosi të ndalojë për një dekadë nga aktrimi. E famshme për rolet në filma si “The Holiday”, “Charlie’s Angels” dhe “Bad Teacher”, Diaz ishte një nga aktoret më prominente në fillim të viteve 2000. Ajo vendosi të hiqet nga aktrimi në vitin 2014, pas publikimit të “The Other Woman”, “Sex Tape” dhe “Annie”. Gjatë tetë viteve në vijim, Diaz qëndroi kryesisht larg skenës publike, përveç disa projekteve të vogla dhe një paraqitjeje si gjyqtare në spektaklin “RuPaul’s Drag Race All Stars” në 2022. Tani, pas një dekade, Diaz është rikthyer në Hollywood.
