Jeta sentimentale e modeles dhe aktores Jaime King, mori një tjetër kthesë dramatike. Më pak se një vit pasi u raportua se ishte martuar në fshehtësi me bankierin e investimeve Austin Sosa, ky i fundit që njëkohësisht është edhe burri i dytë, ka paraqitur kërkesë për divorc, duke surprizuar fansat dhe botën e showbiz-it.
Sipas dokumenteve të fundit gjyqësore, Austin Sosa e depozitoi zyrtarisht kërkesën për t’i dhënë fund martesës më 22 janar 2026, një zhvillim që befasoi shumëkënd.
Ajo që e bën ndarjen edhe më intriguese?
Vetë martesa ishte aq diskrete, saqë shumë njerëz as nuk e dinin që kishte ndodhur dhe tani po përfundon po aq shpejt sa nisi, por këtë herë jo aq e fshehtë…
Arsyet e divorcit nuk janë bërë publike ende, por koha e këtij veprimi ka ndezur spekulime në rrjete sociale. Vetëm pak javë më parë, Jaime u pa në shoqëri me një manjat hotelesh dhe ishte në foto me figura të tjera sociale, duke rritur dyshimet për atë që mund të ketë ndodhur pas dyerve të mbyllura. Aktorja i ka mohuar thashethemet romantike, duke insistuar se daljet e fundit ishin “punë” dhe se marrëdhënia me Sosa-n vazhdonte ende zyrtarisht.
Kjo është ndarja e dytë e bujshme për Jaime King. Ajo finalizoi më parë një divorc të vështirë nga regjisori Kyle Newman në vitin 2023, pas më shumë se një dekade bashkëjetesë. Ajo ndarje u shoqërua me tituj të shumtë dhe një betejë të gjatë kujdestarie për dy djemtë e tyre.
Në moshën 46-vjeçare, Jaime po përballet sërish me një trazirë sentimentale nën vëmendjen e publikut. Me detaje që ende po dalin në dritë dhe fansa që kërkojnë përgjigje, një gjë është e qartë, ky nuk është kapitulli i fundit në jetën e saj plot tituj bombastikë.
