Ministrja e Kulturës dhe Turizmit, Saranda Bogujevci së bashku me zëvendësministren Nora Arapi-Krasniqi, pritën në takim shefin e UNDP-së në Kosovë, Nuno Queiros.
Gjatë takimit u diskutua për thellimin e bashkëpunimit ndërmjet Ministrisë dhe UNDP-së në fushën e kulturës, trashëgimisë kulturore dhe zhvillimit të turizmit të qëndrueshëm.
U vlerësua mbështetja e vazhdueshme e UNDP-së në projekte që kontribuojnë në zhvillimin ekonomik lokal, fuqizimin e komuniteteve dhe promovimin e potencialit kulturor e turistik të vendit.
Ministrja Bogujevci theksoi rëndësinë e partneriteteve strategjike për realizimin e projekteve me ndikim afatgjatë.
Palët u dakorduan për vazhdimin e bashkëpunimit dhe intensifikimin e angazhimeve të përbashkëta në mbështetje të zhvillimit të qëndrueshëm dhe promovimit të vlerave kulturore të Kosovës.
