Policia ka njoftuar qytetarët se me rastin e kalimit transit nëpër Kosovë të presidentit të Shqipërisë, Bajram Begaj, do të bëjë ndërprerje të përkohshme të qarkullimit kufitar të trafikut në intervale të shkurtra kohore.
Përmes një njoftimi në Facebook, Policia thotë se me datën 9 qershor, ndërprerja do të bëhet nga pika e kalimit kufitar Vërmicë deri në pikëkalimin kufitar Hani i Elezit dhe anasjelltas, gjatë kthimit me datën 11.06.2026, ku edhe mund të ketë riorientim të trafikut në rrugë alternative.
“Me datën 09.06.2026, Policia e Kosovës, me rastin e kalimit transit nëpër Kosovë të Presidentit të Republikës së Shqipërisë z. Bajram Begaj, ka ndërmarrë paraprakisht të gjitha veprimet e nevojshme operative duke angazhuar njësitë përkatëse policore, me qëllim të ofrimit të sigurisë dhe rrjedhës së lirë të komunikacionit rrugor përgjatë rrugëve ku lëviz eskorta”, thuhet në njoftim.
