Sot dhe nesër do të zhvillohen ndeshjet e Kupës së Kosovës në basketboll te meshkujt. Përballja kryesore do të zhvillohet ndërmjet rivalëve të vjetër, Pejës dhe Sigal Prishtinës.
Takimet ndërmjet këtyre dy skuadrave gjithmonë kanë qenë interesante dhe kështu pritet edhe sonte.
Javën e ardhshme do të zhvillohen ndeshjet e kthimit, ku do të përcaktohet se kush do të kalojë në gjysmëfinale.
Në këtë edicion të kësaj gare, edhe gjysmëfinalet zhvillohen me sistem vajtje-ardhje, ndërsa finalja zhvillohet në shkurt të vitit të ardhshëm.
Po ashtu të sonte zhvillohet edhe sfida ndërmjet Vëllaznimit dhe Golden Eagle Yllit.
