Baleta: Komunikimi politik nuk duhet të ndërtojë klimën ku po gjendemi sot
Ekspertja e komunikimit, Linda Baleta, në intervistën e saj për ATV-në (në ditën e sotme, të zgjedhjeve), ka vlerësuar se zhvillimet politike ndikojnë drejtpërdrejt në mënyrën se si komunikojnë qytetarët dhe në nivelin e polarizimit shoqëror.
Sipas saj, “ajo që ndodh në politikë përkthehet menjëherë edhe në gjuhën dhe polarizimin e shoqërisë sonë”, duke nënvizuar se diskursi politik ka ndikim të drejtpërdrejtë në marrëdhëniet dhe klimën shoqërore.
Reklamë
Baleta theksoi gjithashtu se komunikimi publik politik duhet të ketë një rol edukues dhe orientues për qytetarët.
“Komunikimi publik politik duhet të nxisë dhe të kultivojë mendimin politik të qytetarëve, të formësojë realitetet tona politike dhe jo të ndërtojë klima të tilla si ajo në të cilën po gjendemi aktualisht”, u shpreh ajo.
Sipas ekspertes së komunikimit, cilësia e komunikimit politik mbetet një faktor kyç në ndërtimin e një debati publik më konstruktiv dhe në forcimin e kulturës demokratike në shoqëri.
Për t’u informuar në kohë reale për zgjedhjet e parakohshme parlamentare, klikoni në linkun e mëposhtëm:
Reklamë
