Arrestohet në Deçan i dyshuari për vrasjen e Arlinda Zekajt

Albert Sylaj, i dyshuari për vrasjen e Arlinda Zekajt në Vitomiricë të Pejës, është arrestuar mbrëmë në Deçan, pas më shumë se dy ditësh në arrati.

Policia ka bërë të ditur se arrestimi është kryer rreth orës 23:40, pas kërkimeve dhe veprimeve hetimore për lokalizimin e tij.

Sipas njoftimit, në gjetjen e të dyshuarit ka ndihmuar edhe bashkëpunimi i qytetarëve me Policinë.

Sylaj kërkohej për vrasjen e 49-vjeçares, e cila ndodhi të dielën, më 25 tetor, vetëm pak ditë pasi viktima u ishte drejtuar institucioneve për të kërkuar mbrojtje.